RentHelpMN yog dab tsi?

Cov chaw ua ntawv thov nyiaj pab them nqi tsev xauj RentHelpMN tsis txais cov ntawv ua tuaj thov nyiaj lawm.

Cov chaw ua ntawv thov nyiaj pab them nqi tsev xauj RentHelpMN tsis txais cov ntawv ua tuaj thov nyiaj lawm.

Yog tias koj twb tau xa kom daim ntawv thov kev pab tuaj thaum hnub los yog ua ntej lub Ib Hlis Ntuj Hnub Tim 28 es yog hnub kawg, daim ntawv yuav muab coj los saib. Qhov tsim nyog txais kev pab ntawm qhov Kev thov yuav muab coj los luj xyuas es pab raws li qhov es tseem tshuav nyiaj seem los tsis tshuav.

Nrhiav kev pab rau nqi xauj tsev los yog nqi fai fab?

Kev pab them nqi fai fab yeej muaj yog mus rau qhov chaw pab them nqi fai fab hu ua Energy Assistance Program. Thov ua ntej lub Tsib Hlis 31, 2022.

Txav mus hauv kom pom cov links nkag mus rau cov kev pab muaj rau cov pej xeem ntxiv.

RentHelpMN Yeej Tiv Thaiv Kev Raug Ncaws Tawm Tsev

Yog tias koj yog ib tug neeg xauj tsev es tab tom ntsib kev raug ncaws tawm tsev vim yog koj tsis tau them nqi tsev xauj, yog muaj daim ntawv thov kev pab es tseem tau muaj kev txiav txim rau qhov kev pab nyiaj thaum lub sij hawm ti tes ti tawv yuav tiv thaiv tau koj. Cov neeg xauj tsev es tau txais daim ntawv ceeb toom tias yuav raug ncaws tawm tsev kuj yuav tsum tau teb rau daim ntawv ceeb toom thiab mus tshwm ntsej muag rau nram tsev hais plaub es nqa daim ntawv thov kev pab mus ua pov thawj. Cov neeg ua hauj lwm hauv Minnesota Housing yeej tuaj rau hauv lub tsev hais plaub es nqa cov ntaub ntawv tuaj rau ob tog neeg tib si. Kawm kom paub txog qhov txheej txheem ncaws tawm tsev thiab yuav ua cas thiaj li tiv thaiv tau koj tus kheej ntawm homelinemn.org.

Lwm cov peev txheej uas muaj

Muaj ntau lub loos kam (entities) tau txais pob nyiaj pab rau vaj tsev thiab lwm yam uas muaj feem cuam tshuam los mus ua ib feem ntawm pob nyiaj pab daws kev txom nyem los ntawm kab mob COVID-19.

Muaj qee cov tsoom hwv kav Haiv Neeg Tsawg tau txais tsoom hwv Meskas pob nyiaj los mus khiav lawv cov khoo kas pab them nqi tsev.Yog tias koj tau txais kev pab cuam los ntawm Ib Haiv Neeg Tsawg nyob hauv Minnesota, ces tiv toj ncaj qha mus rau lawv hais txog rau cov lus qhia paub ntau ntxiv.
Koj puas yuav tau ua daim ntawv thov uas yog siv nplooj ntawv (paper application)? Mus rub daim ntawv ua PDF uas tuaj yeem muab luam tawm los sau tau los sis siv daim ntawv PDF uas cia li ntaus ntawv rau tau. Kev txhais lus rau daim ntawv thov thiab tus vev xaib no yuav muaj ua Lus Xab Pees Niv, Lus Hmoob thiab Lus Xaus Mas Lis nyob rau sai-sai tom ntej no.
Saib Minnesota Housing lub rooj qhia ntawv hauv vev xaib los mus kawm paub ntau ntxiv txog RentHelpMN thiab txoj hauv kev uas yuav npaj kom txhij los mus ua ntawv thov.
Qhov kev pab rau cov tswv tsev yog tseem tab tom niaj hnub npaj. Teev npe (Sign up) kom tau txais email xa tuaj qhia txog kev hloov kho tshiab txog kev pab them cov nyiaj qiv yuav tsev.
Yog tias koj xav nrog tus kws tawm tswv yim rau kev ua tswv tsev yam tsis vam txiaj ntsig sib tham, uas yuav tuaj yeem pab taw kev rau koj qhov xwm txheej, ces tiv toj rau Minnesota Homeownership Center.
Kev pab them nqi kho lub tshuab ua cua sov thiab lub qhov cub rauv taws ces yog muaj nyob rau hauv Low Income Energy Assistance Program (Lub Khoo Kas Pab Hluav Taws Xob Rau Cov Neeg Khwv Tau Nyiaj Tsawg). Thov ua ntej lub Tsib Hlis 31, 2022.
Minnesota qhov Cold Weather Rule (CWR) yog ib txoj cai los ntawm state los tiv thaiv cov neeg pej xeem kom lawv cov nqi hluav taws xob hauv tsev txhob tus thaum ntuj no rau October 1 mus rau April 30.
Kev pab them nrog Internet yog muaj nyob rau ntawm Affordable Connectivity Program.
Yog tias koj nyob hauv Lav Minnesota thiab muaj kev xiam oob qhab, Housing Benefits 101 (tus vev xaib ua Lus Askiv) tuaj yeem pab koj kawm paub ntau ntxiv txog cov khoo kas thiab cov kev xaiv uas txhawb koj qhov kev xav tau tsev nyob thiab cov hom phiaj.
Lub xeev Minnesota muaj daim ntawv sau thov kev pab nyob hauv computer (streamlined application) xws li thov kev pab nyiaj ntsuab, zaub mov noj, thov vaj tse nyob thaum lub caij kub ntxhov, thiab kev pab them nqi zov menyuam. Daim ntawv thov kev pab no nyob hauv online thiab yeej ua tau tiav es siv sij hawm li 20 nasthis los yog luv dua.
Yog tias koj tsis muaj tsev nyob, muaj kev phom sij ua rau koj yuav tsis muaj tsev nyob, los yog koj tsis muaj ib qho chaw rau koj nyob koj ntev ntev, tiv tauj rau ‘Coordinated Entry “front door”’ hauv koj lub zos kom tau cov kev pab ntxiv.
Cov county los yog tribal social service agency hauv koj lub zos yeej pab tau koj nrhiav kom tau lwm cov kev pab, nrog rau tej yam kev pab thaum muaj kev tit es ti taw.